şägirt

Ussanyň okuwçysy, tälim alýan kömekçisi.

∙ Täze kanuny ýüze çykarmagy başarýan şägirt öz halypasynyň taglymatyny hakyky ösdürüp biler. («Sowet edebiýaty» žurnaly)

∙ Durdy çopan öz şägirdiniň ýanyna birnäçe ýigitler goşdy. (A. Gowşudow, Köpetdagyň eteginde)

∙ Şägirt ussatdan ozdurmasa, kär ýiter. (Nakyl)

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, t sesi d sesine öwrülýär.

Meselem şägirt - şägirdi.